Chalo Rooth Jao Tum, Main Tumko Manata Hoon,
Tum Koi Zid Lagao Main Usay Aage Barhata Hoon,
Bohat Din Ho Gaye Taron K Jhurmat Ki Chamak Dekhe,
Tum Likho Geet Mai Tum Pe Ghazal Gungunata Hoon,
Abhi To Waqt Hai Muthi Mein or Jazbat Hain Dil Mein,
Chalo Ab Maan Jao Tum, Main Tumse Rooth Jata Hoon,
Mere Hathon Ko Thamo Or Koi Phir Zid Nayi Kr Do,
Chalo Tum Do Qasam Apni Main Wapis Lout Aata Hoon,
Or Bhi Hain Bohat Se Azmane K Hunar Baqi,
Rakho Tum Hath Dil Pe, Main Tumhein Dharkan Sunata Hoon,
Bohat Din Ho Gaye Khamosh Mohabbat Ko Nibhate Huye,
Mujhe Tumse Mohabbat Hai, Main Kehna Bhool Jata Hoon...!!!
By Amar Sen
