Chalo Ab Faisla Karlo
Ke Apni Jo Muhabbat Thi
Nasha Tha Woh Jawani Ka
Tumhara Humqadam Rehna
Khumar Utra Toh Jana
Muhabbat Yun Nahin Hoti
Jo Main Ne Khawab Daikhe The
Ab Un Ki Kirchiyaan Hain
Aur Zakhmi Paon Hain Mere
Deewar Hai Shayad Jo
Mujhe Mumkin Nahi Lagta
Tumhare Aur Mere Darmiyaan
Hargiz Gir Nahi Sakti
Mujhe Tum Ab Bhi Pyare Ho
Tumhain Woh Log Pyare Hain
Jo Mujh Ko Zehar Lagte Hain
To Phir Kyun Waqt Khote Ho
Magar Ab Morr Aisa Hai
Jahan Itni Rukawat Hain
Rukawat Simt Chalnay Se
Tumhain Yeh To Pata Hoga
Kabhi Manzil Nahi Milti
Chalo Ab Faisla Karlo !!
